logo-img

कांग्रेस संसदीय दल र कार्यसमितिको बैठक बस्दै, के हुँदै छ छलफल ?

नेपाली कांग्रेसले संसदीय दल र कार्यसमितिको बैठक बोलाएको छ । कांग्रेसले आज (शुक्रबार) बिहान साढे ८ बजे संसद् भवन परिसरमा बस्ने गरी दलको कार्यसमिति र ९ बजे दलको बैठक बोलाएको हो ।

सहकारी ठगीमा रास्वपा सभापति रवि लामिछाने विरुद्ध छानबिन समिति गठनको विषय पेचिलो बन्दै गएपछि कांग्रेसले आजको संसद बैठक पूर्व कार्यसमिति र संसदीय दलको बैठक बोलाएको हो । 



बिहीबार कांग्रेसको अवरोधबीच सभामुख देवराज घिमिरेले उपप्रधान एवं गृहमन्त्री रवि लामिछानेलाई बोल्न समय दिएपछि प्रतिनिधिसभा बैठकमा कांग्रेस एमाले सांसदकाबीच असहज स्थिति बनेको थियो । 

जसकारण सभामुखले आज बिहान ११ बजेसम्मका लागि बैठक स्थगित गरेका थिए । तर, कांग्रेसले संसदीय छानबिन समिति गठनलाई बटमलाईन बनाएर अघि बढ्ने निणर्य गरिसकेकाले माग पूरा नभएसम्म संसदको अवरोध नरोक्ने बताउदै आएको छ । 

कांग्रेसले हिजोको घटनाबारे छलफल गर्न आज प्रतिनिधि सभा बस्नुपूर्व नै पार्टीको बैठक बोलाएको छ । 





  • प्रकाशित मिति : जेठ ४, २०८१ शुक्रबार

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।



यस विषयसँग सम्बन्धित समाचार

यो सामग्री सेयर गर्नुहोस्

यो सामग्री सेयर गर्नुहोस्

यो पनि नछुटाउनुहोस्
मल्टिमिडिया