काठमाडौं– प्रधानमन्त्री केपी शर्मा ओलीको पछिल्लो अभिव्यक्तिप्रति प्रतिपक्षी दल नेपाली कांग्रेसले आपत्ति जनाएको छ । आइतबार ओलीले विपक्षी दलतर्फ संकेत गर्दै ‘नन्दी–भृंगी भेला भएर आन्दोलन गर्छौं भनेछन्’ भनेका थिए ।
कांग्रस पार्टी कार्यालय सानेपामा सोमबार आयोजित पत्रकार सम्मेलनमा बोल्दै उपसभापति विमलेन्द्र निधिले प्रधानमन्त्रीको अभिव्यक्ति आपत्तिजनक रहेको बताउँदै घोर भत्र्सना गरे । प्रधानमन्त्रीले निर्देशन दिँदा पनि सत्तारुढ दलको कार्यकर्ता अरिंगाल नबनेको भन्दै निधिले धन्यवाद दिए । कार्यकर्ताले अरिंगाल बन्न नमानेपछि प्रधानमन्त्रीले केटाकेटीलाई ढुंगा हान्न उक्साएको निधिको आरोप थियो ।
त्यसैगरी, प्रवक्ता विश्वप्रकाश शर्माले प्रधानमन्त्री ओलीलाई जिम्मेवार भएर देशको नेतृत्व गर्न आग्रह गर्दै भने, ‘अघिल्लो वर्ष जे–जस्तो भए पनि नयाँ वर्षमा जिम्मेवार अभिव्यक्ति, जिम्मेवार व्यवहार गर्नुस् ।’
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
