एजेन्सी– इन्डियन प्रिमियर लिग (आइपिएल)मा अहिले सबैभन्दा बढी चर्चामा आएका छन्, चेन्नई सुपरकिंग्सका कप्तान महेन्द्र सिंह धोनी । यस्तो किन पनि भने यसपटक यो टिमले आइपिएलमा निकै राम्रो प्रदर्शन गरिरहेको छ । झन्, धोनीको निर्णय क्षमता र कप्तानको शैली देखेर धेरैले प्रशंसा गरेका छन् । 

यसअघि चेन्नईको खेल कोलकातासँग थियो । त्यो खेलमा चेन्नईले ५ विकेटको जित हासिल गर्यो । इडन गार्डेन्समा भएको यो खेलमा चेन्नईले १६२ रन बनाएर जित दर्ज गरेको थियो । खेल सकिएपछि चेन्नईका खेलाडीले ड्रेसिङ रुममा रमाइलो गरेको भिडियो विभिन्न भारतीय मिडियाले निकै प्राथमिकता दिएर लेखेका छन् । त्यहीबीच एउटा भिडियो अहिले भाइरल भइरहेको छ । भिडियोमा चेन्नईका कप्तान महेन्द्र सिंह धोनी र केदार जाधव सँगै देखिएका छन् । उनीहरुले एउटै प्लेटबाट खाना खाइरहेका छन् । 

झन्, जाधवले आफ्नै हातले धोनीलाई खाना खुवाइरहेका छन् । त्यसैले पनि यी दुईको मित्रतालाई लिएर भारतीय सामाजिक सन्जाल प्रयोगकर्ताले निकै प्रशंसा गरिरहेका छन् ।