Wed, 11 Dec, 2019


युरोपभर जलवायु परिवर्तनविरुद्ध प्रदर्शन, लन्डनमा ३०० गिरफ्तार
फरकधार / बैशाख ४, २०७६

लन्डन– बेलायतको राजधानी लन्डनमा जारी जलवायु परिवर्तन प्रदर्शनका क्रममा झन्डै ३०० प्रदर्शनकारी गिरफ्तार भएका छन् । प्रदर्शनका कारण राजधानी लन्डनको जनजीवन नराम्ररी प्रभावित भएको छ । 



ठूलो संख्यामा उत्रेका प्रदर्शनकारीले सविनय अवज्ञा आन्दोलन सुरु गर्दै सोमबार एक पुल र मुख्य मध्य सडकका चोक अवरुद्ध गरेका थिए । 

युरोपका अन्य भागमा पनि प्रदर्शनहरु भएका छन् । 

प्रदर्शनको आयोजना एक्सटिङ्सन रिबेलियन नामक पर्यावरणवादी संगठनले गरेको हो । गतवर्ष बेलायती शिक्षाविद्हरुले गठन गरेको यो संगठन विश्वमा सबैभन्दा छिटो फैलिएको पर्यावरणीय अभियानमध्ये एक हो । 

मंगलबार साँझसम्म २९० प्रदर्शनकारीलाई नियन्त्रणमा लिइएको लन्डन प्रहरीले बताएको छ । आउँदो सातासम्म प्रदर्शन जारी रहने प्रहरीको अनुमान छ । 


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्