नवौँ संस्करणको आइसिसी टी–२० विश्वकप क्रिकेट प्रतियोगिता आजदेखि अमेरिकामा सुरु भएको छ । प्रतियोगिताको उद्घाटन खेलमा क्यानडा र आयोजक अमेरिका खेल्दै छन् । 

पहिलो खेलमा अमेरिकाले टस जितेर पहिला फिल्डिङ गरिरहेको छ । यी दुई टिमबीचको खेल अमेरिकाको डालासस्थित ग्रान्ड प्रेरी स्टेडियममा भइरहेको हो । जारी संस्करणको विश्वकपमा पहिलोपटक २० देशले प्रतिस्पर्धा गरिरहेका छन् ।

प्रतियोगितामा नेपालले पहिलो खेलमा मंगलबार नेदरल्याण्ड्ससँग खेल्नेछ । त्यसपछि नेपालले १२ जुनमा श्रीलंका, १५ जुनमा दक्षिण अफ्रिका तथा १७ जुनमा बंगलादेशको सामना गर्नेछ । नेपाल १० वर्षपछि विश्वकप खेल्न लागेको हो ।