युरोपियन च्याम्पियन्स लिगको उपाधि स्पेनिस टोली रियल म्याड्रिडले जितेको छ । गएराति लण्डनस्थित वेम्ब्ली स्टेडियममा सम्पन्न फाइनल खेलमा जर्मन क्लब बोरुसिया डर्टमण्डलाई २–० ले हराउँदै रियलले उपाधि जितेको हो ।

उसले १५औँपटक च्याम्पियन्स लिगको जितेको हो । रियललाई जित उपाधि दिलाउनेक्रममा ड्यानी कार्भाजाल र भिनिसियस जुनियरले गोल गरे । खेलमा कार्भाजालले ७४ औं मिनेटमा गोल गर्दै रियललाई अग्रता दिलाएका थिए ।

उनले टोनी क्रुजको कर्नरमा हेडमार्फत गोल गरे । यस्तै, जुनियरले ८३ औं मिनेटमा गोल गर्दै रियललाई उपाधि दिलाए । उनले जुड बेलिङघमको पासको सदुपयोग गर्दै गोल गरेका हुन् ।