प्रधानमन्त्री कप एनभिए महिला तथा पुरुष भलिबल लिगमा महिलातर्फ एपिएफले लगातार दोस्रो जित दर्ता गरेको छ ।

त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा सोमबार भएको खेलमा कर्णाली खेलकुद विकास परिषदलाई ३–० को सोझो सेटले हराउँदै जित दर्ता गरेको हो । 

एपिएफले कर्णालीलाई पहिलो सेटमा २५–७, दोस्रो सेटमा २५–७ र तेस्रो सेटमा २५–९ ले पराजित गर्‍यो । एपिएफले पहिलो खेलमा न्यू डायमन्डलाई ३–२ को सेटमा हराएको थियो ।