अमेरिका आइसिसी विश्वकप २०२४ को सुपर–८ मा पुगेको छ । शुक्रबार आयरल्याण्डसँगका खेलमा वर्षा बाधक बनेपछि अंक बाँड्दा अमेरिका सुपर–८ मा पुगेको हो ।
समूह ‘ए’ बाट अमेरिका चार खेलमा दुईमा जित र एकमा हारसहित ५ अंकका साथ दोस्रो स्थानमा छ । अमेरिकाले क्यानडालाई ७ विकेट र पाकिस्तानलाई सुपर ओभरमा हराएको थियो ।
पाकिस्तान भने एक खेलअगावै सुपर–८ दौडबाट बाहिरिएको छ । उसले तीन खेलमा दुईमा हार र एक खेलमा जित निकालेको छ । पाकिस्तानले अन्तिम खेलमा जित निकाले पनि उसको तीन अंक मात्र हुनेछ ।
पाकिस्तानले अन्तिम खेलमा आइतबार आयरल्यान्डसँग खेल्नेछ । समूह ‘ए’ बाट अमेरिका र भारतले सुपर–८ मा स्थान बनाए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
