Thu, 17 Oct, 2019


२९ वर्षे महिलाको कोठैअगाडि शव भेटियो, बलात्कारपछि हत्या भएको आशंका
फरकधार / बैशाख ७, २०७६

विराटनगर– मोरङको पथरी बजारछेउ २९ वर्षे महिलाको शव भेटिएको छ । पथरी बजारमा कस्मेटिक पसल सञ्चालन गर्दै आएकी रिना बस्नेतको शव आज बिहानै विभत्स अवस्थामा उनकै कोठाअगाडि भेटिएको हो ।



रिना गएराति पथरी बजारमा भएको सांस्कृतिक कार्यक्रममा छोरालाई साथमै लिएर गएकी थिइन् । बालक छोरासँगै राति घर फर्किएकी रिनाको बिहार्न कोठाअगाडि शव भेटियो । 

शवको चेकजाँच गर्दा रिनाले राति मदिरा सेवन गरेको देखिएको मोरङ प्रहरीले बताएको छ । रिनाको भित्री बस्त्र भने कोठामै भेटिएको प्रहरीले जनाएको छ । रिनाको टाउकोमा गहिरो चोट छ । घटनाबारे प्रहरीले अनुसन्धान गरिरहेको छ । रिनाको बलात्कारपछि हत्या भएको हुन सक्ने प्रहरीको आशंका छ । 

रिनाका श्रीमान् रोजगारीका क्रममा विदेशमा छन् । पथरीमा कस्मेटिक पसल चलाउने रिना छोरासँग डेरामा बस्दै आएकी थिइन् ।


यो सामाग्री सेयर गर्नुहोस्


यो पनि नछुटाउनुहोस्