Tue, 20 Aug, 2019


बुटवलमा प्रधानमन्त्री ओलीलाई कालो झण्डा
फरकधार / बैशाख ७, २०७६

काठमाडौँ– प्रधानमन्त्री केपी शर्मा ओलीलाई बुटवलको जितगढी विजयोत्सवमा मन्तव्य दिइरहेका बेला एक युवाले कालो झण्डा देखाएका छन् । शनिबार ती युवाले नारा लगाउँदै प्रधानमन्त्री केपी शर्मा ओलीलाई कालो झण्डा देखाएका हुन् ।



अर्घाखाँची घर भएका रुद्रप्रसाद घिमिरेले ‘जितगढी जिन्दावाद, उजिरसिंह अमर रहुन’ भन्दै कालो झण्डा देखाएका हुन् । उनलाई प्रहरीले नियन्त्रणमा लिएको छ । 

कालो झण्डा देखाउँदै गर्दा प्रधानमन्त्री ओलीले सुरक्षाकर्मीतर्फ पक्राउ गर्न आदेश दिए । उनले मन्चबाट नै भने, ‘झण्डा देखाइरहेको छ, के हेरिरहनुभएको तपाईहरूले ?, पक्राउ गर्नुस् ।’ 

प्रधानमन्त्री ओलीले कसैबाट परिचारित भएर झण्डा देखाउँदैमा केही नहुने भन्दै धैर्य रहन सबैलाई आग्रह गरे ।

रुपन्देहीमा प्रमुख जिल्ला अधिकारी उदय रानाले मानसिक असन्तुलनका कारण त्यस्तो घटना भएको हुनसक्ने बताए । 


यो सामाग्री सेयर गर्नुहोस्


यो पनि नछुटाउनुहोस्