आइसिसी टी–२० विश्वकप २०२४ मा न्यूजिल्यान्डको खराब प्रदर्शनपछि कप्तान केन विलियम्सनले पदबाट राजीनामा दिएका छन् । साथै उनले न्यूजिल्याण्डको केन्द्रीय सम्झौता (सेन्ट्रल कन्ट्रयाक्ट) पनि अस्वीकार गरेका छन् ।
विलियम्सन अब न्यूजिल्याण्ड टोलीको नियमित सदस्य नरहने र ठूला प्रतियोगितामा मात्रै खेल्न सक्ने अनुमान गरिएको छ ।
जारी विश्वकपमा केन विलियम्सनको नेतृत्वमा रहेको न्यूजिल्याण्ड टोलीको प्रदर्शन राम्रो हुन सकेन । न्यूजिल्याण्डको टोली सुपर–८ मा पुग्न नसकेर समूह चरणबाटै बाहिरियो ।
वेस्ट इन्डिज र अफगानिस्तानसँग न्यूजिल्याण्डले लज्जास्पद हार बेहोरेपछि टी–२० विश्वकप ट्रफी जित्ने सपना चकनाचुर भयो । सोही कारण विलियम्सनले न्यूजिल्याण्डको कप्तानीबाट राजीनामा दिएका बुझिएको छ ।
उनले आफूले विदेशी टी–२० लिगमा खेल्नुपर्ने भएकाले केन्द्रीय सम्झौता पनि अस्वीकार गरेको प्रतिक्रिया दिएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
