श्रीलंका– आइतबार इस्टरकाे समयमा श्रीलंकाका विभिन्न चर्च र हाेटलमा बम विस्फाेट हुँदा १३५ जनाकाे मृत्यु भएकाे पुष्टि भएकाे छ । ४०० भन्दा बढि घाइते भएका छन् । 

काेलम्बाे नेशनल हस्पिटलका डेप्युटी डाइरेक्टरले १३५ जनाकाे मृत्यु भएकाे पुष्टि गरेका हुन् । अस्पतालका अनुसार विस्फाेटमा परि ९ जना विदेशी नागरिककाे पनि मृत्यु भएकाे छ । 

घाइतेहरुकाे काेलम्बाेका विभिन्न अस्पतालमा उपचार भइरहेकाे छ । अहिलेसम्म प्राप्त जानकारीअनुसार तीन चर्च र काेलम्बाेकाे फाइभ स्टार हाेटलमा समेत गरेर ६ ठाउँमा विस्फाेट भएकाे छ । 

काेच्चादाईस्थित सेन्ट एन्टाेनियाे, बट्टिकाेला र नेगाेंबाे चर्च र काेलम्बाेकाे सांग्रिला स्टार, किंग्सबरी र सिनेमन ग्रान्ड हाेटलमा बम विस्फाेट भएकाे थियाे । 

प्राप्त जानकारीअनुसार काेलम्बाेमा ४७ जना, बट्टिकाेलामा २५ जनाकाे मृत्यु भएकाे छ र नेगंबाेमा कम्तीमा पनि ५० जनाकाे मृत्यु भएकाे प्रहरीले जानकारी दिएकाे छ । 

प्रधानमन्त्री रानिल विक्रमासिंघेले सुरक्षाकाे विषयमा छलफल गर्न आपतकालिन बैठक बाेलाएका छन्, श्रीलंकाका राष्ट्रपति मैत्रिपाला सिरिसेनाले घटनाकाे अनुसन्धान प्रहरीले गरिरहेकाे र फेक न्युजमा विश्वास नगर्न जनतालाई आग्रह गरेका छन् । 

यी चर्चहरुमा हजाराैंकाे संख्यामा मानिसहरु प्रार्थनाका लागि जम्मा भएका थिए । 

उक्त घटनापछि शहरकाे सुरक्षा बढाइएकाे छ । घटनास्थलमा उद्धार तथा राहत कार्य जारी छ । अहिलेसम्म याे आक्रमणकाे जिम्मा कसैले पनि लिएकाे छैन । 

इस्टर सन्डे इसाई धर्मकाे प्रमुख पर्व हाे । 

Easter Sunday bomb blasts in churches & hotels, killing many innocent people seems to be a well coordinated attempt to create murder,mayhem & anarchy.All those who cherish democracy,freedom & economic prosperity must unite now with nerves of steel to defeat this heinous attempt.

— Mangala Samaraweera (@MangalaLK) April 21, 2019