माध्यमिक शिक्षा परीक्षा (एसइई)को नतिजा भोलि (बिहीबार) मात्रै सार्वजनिक हुने भएकाे छ । राष्ट्रिय परीक्षा बोर्डकाे बैठकले बिहीबार बिहान ९ बजे नतिजा सार्वजनिक गर्ने निर्णय गरेकाे हाे ।
बिहान ७ बजे बोर्डको बैठक बसेर नतिजा सार्वजनिक गरिने बोर्डका अध्यक्ष डाक्टर महाश्रम शर्माले अध्यक्ष शर्माले बताए । बोर्डले बुधबारै नतिजा सार्वजनिक गर्ने तयारी गरे पनि केही प्राविधिक तयारी नपुगेको भन्दै बिहीबारका लागि सारेकाे हाे ।
गत चैतमा सञ्चालन भएको शैक्षिक सत्र २०८० को एसईई परीक्षामा देशभरबाट ४ लाख ९१ हजार ४९७ परीक्षार्थी सहभागी भएका थिए । यो वर्षदेखि लेटर ग्रेडिङ निर्देशिका, २०७८ अनुसार नतिजा सार्वजनिक हुने भएकाे छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
