नयाँदिल्ली– चेन्नाई सुपर किंग्सका कप्तान महेन्द्रसिंह धोनी आइपिएलमा २०० छक्का प्रहार गर्ने पहिलो भारतीय खेलाडी बनेका छन् । रोयल च्यालेन्जर्स बैंग्लोरविरुद्ध गएरातिको खेलमा उनले यो रेकर्ड बनाएका हुन् । योसँगै, १८४ खेलबाट धोनीले २०३ छक्का प्रहार गरेका छन् ।
बैंग्लोरविरुद्ध ८४ रन हान्ने क्रममा धोनीले कप्तानका रुपमा ४ हजार रन पनि पूरा गरे । आइपिएलमा ४ हजार रन हान्ने उनी पहिलो कप्तान हुन् । अहिलेसम्म धोनीले १६६ म्याचमा कप्तानी गर्दै ४,०४० रन बनाएका छन् ।
समग्रमा सबैभन्दा धेरै छक्का प्रहार गर्नेमा धाेनी तेस्रो स्थानमा छन् । उनीभन्दा अघि ३२३ छक्कासहित क्रिस गेल र २०४ छक्कासहित एबी डी भिलियर्स छन् ।
४८ बलमा धोनीको अविजित ८४ रनका बाबजुद चेन्नाईले बैंग्लोरलाई हराउन भने सकेन ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
