कोपा अमेरिका फुटबलअन्तर्गत अर्जेन्टिना र कोलोम्बियाबीचको फाइनल खेल सुरु हुन ढिलाइ भएको छ । समर्थकले सुरक्षा नियम उल्लंघन गरेका कारण फाइनल खेल सुरु हुन ढिलाइ भएको हो ।  

सामाजिक सञ्जालमा सार्वजनिक भिडियोअनुसार फ्यानहरूले हार्ड रक स्टेडियमको गेट तोडेको देख्न सकिन्छ । त्यसपछि प्रहरीले केही समर्थकलाई नियन्त्रणमा लिएको छ ।

ईएसपीएनका अनुसार उग्र समर्थक गेट तोडेका छन् । टिकटबिना स्टेडियममा जबरजस्ती प्रवेश गर्न खोज्दा यस्तो घटना भएको बताइएको छ । स्थिति शान्त भएपछि मात्र खेल सुरु गर्ने तयारी गरिएको छ । 

अर्जेन्टिना र कोलोम्बियाको खेल ५ः४५ मा सुरु हुनुपर्ने हो । तर, यो समाचार तयार पार्दासम्म खेल सुरु हुन सकेको छैन । अब खेल सुरु हुनका लागि अब ७:१० बजेको समय तोकिएको छ ।