Sun, 15 Sep, 2019


भारतमा टिकटकमाथिको प्रतिबन्ध हट्यो
फरकधार / बैशाख ११, २०७६

एजेन्सी– पछिल्लो समय निकै चर्चामा रहेको भिडियो एप टिकटकमाथि भारतमा लागेको प्रतिबन्ध हटेको छ । मद्रासको उच्च अदालतले बुधबार यो एपमाथि प्रतिबन्ध हटाउने फैसला गरेको हो । यसअघि यही अदालतले लगाएको प्रतिबन्धका कारण टिकटक गुगल प्लेस्टोर तथा एप्पल स्टोरबाट हटाइएको थियो ।



यसअघि भारतको सर्वोच्च अदालतले मद्रासको उच्च अदालतलाई टिकटकमाथि लागेको प्रतिबन्धबारे पुनर्विचार गर्न अनुरोध गरेको थियो । यो विषयमा पुनर्विचार नभएमा २४ अप्रिलदेखि टिकटकमाथिको प्रतिबन्ध हटाइने भारतीय सर्वोच्च अदालतले जनाएको थियो । यसअघि टिकटकमा अश्लिल र गलत भिडियो देखाइएको र यसले भारतीय बच्चामाथि नकारात्मक असर पारेको मद्रासको उच्च अदालतले बताएको थियो ।

मद्रासको अदालतको फैसलालाई चुनौति दिँदै टिकटकका संस्थापकहरुले भारतको सर्वोचच अदालतमा रिट हालेको थियो ।

चिनियाँ कम्पनीले लन्च गरेको यो एप निकै छोटो समयमा धेरै पपुलर भएको छ । सन् २०१९ को फ्रेबुअरीसम्म मात्र यो एप १ सय करोडभन्दा धेरै डाउनलोड गरिएको छ । टिकटकमाथि बंगलादेश तथा इन्डोनेसियामा चाहिँ यसअघि नै प्रतिबन्ध लगाइएको थियो । 


यो सामाग्री सेयर गर्नुहोस्


यो पनि नछुटाउनुहोस्