ठेक्का लिएर समयमा काम नगर्ने निर्माण कम्पनी र व्यवसायी कालोसूचीमा परेका छन् ।
सार्वजनिक खरिद अनुगमनको कार्यालयका अनुसार विभिन्न सार्वजनिक निकायको सिफारिसका आधारमा चार निर्माण कम्पनी तथा व्यवसायी डेढदेखि २ वर्षसम्मका लागि कालोसूचीमा परेका हुन् ।
बि.एस कन्स्ट्रक्सन, दिपायल र त्यसका मुख्य व्यक्ति अशोककुमार श्रेष्ठ, डोटीको भैरव शक्ति निर्माण सेवा र त्यसका मुख्य व्यक्ति शिवबहादुर खड्का दुई वर्षका लागि कालोसूचीमा परेका सार्वजनिक खरिद अनुगमनको कार्यालयले जनाएको छ ।
त्यस्तै, भारतको भटिन्डा सेरामिक्स प्रालि र त्यसका सञ्चालक भूषण अग्रवाललाई डेढ वर्षसम्म कोलोसूचीमा राखिएको छ ।
काठमाडौंको मस्टा जे.बि.डि कन्स्ट्रक्सन एन्ड इन्जिनियरिङ प्रालि र त्यसका सञ्चालक पदमबहादुर तामाङलाई पनि डेढ वर्षका लागि कालोसूचीमा राखिएको कार्यालयले जनाएको छ ।
हेर्नुहोस्, सूचना :
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
