नेपाली बजारमा आज सुनको मूल्य प्रतितोला १ सय रुपैयाँले घटेको छ ।

नेपाल सुनचाँदी व्यवसायी महासङ्घका अनुसार सोमबार प्रतितोला १ लाख ४६ हजार एक सयमा कारोबार भएको छापावाल सुन आजका लागि भने १ लाख ४६ हजार रुपैयाँ तोकिएको हो ।

यस्तै, सोमबार प्रतितोला १ लाख ४५ हजार ४ सय रुपैयाँमा कारोबार भएको तेजाबी सुनको मूल्य आज १ लाख ४५ हजार ३ सय रुपैयाँमा कारोबार भइरहेको छ ।

चाँदीको मूल्य तोलामा १० रुपैयाँले घटेको छ । सोमबार प्रतितोला १ हजार ७ सय ५० रुपैयाँमा कारोबार भएको चाँदी आजका लागि भने १ हजार ७ सय ४० रुपैयाँ तोकिएको महासंघले जनाएको छ ।