महाधिवेशन सम्पन्न भएकाे एक महिना बितिसक्दा पनि नेकपा एकीकृत समाजवादीले केन्द्रीय कमिटी र आयोगमा रहने नेताहरुको टुंगो लगाउन सकेकाे छैन । केन्द्रीय कमिटी र आयोगका सदस्य चयन गर्नका लागि कार्यदल गठन भएकाे छ । 

बुधबार बसेको केन्द्रीय कमिटी बैठकले कार्यदल गठन गरेकाे हाे । अध्यक्ष माधवकुमार नेपालको नेतृत्वमा गठित कार्यदलको सदस्यमा सम्मानित नेता झलनाथ खनाल र महासचिव घनश्याम भुसाल छन् ।

एक महिनाअघि सम्पन्न दशौँ राष्ट्रिय महाधिवेशनले तीन नेताको पद मात्रै टुंग्याएको थियो । बाँकी पदाधिकारी र केन्द्रीय कमिटी सदस्य टुंग्याउन सकेको छैन ।

अघिल्लो कमिटीका पोलिटब्युरो सदस्यहरुलाई भने स्वतः केन्द्रीय सदस्य बनाउने निर्णय भएकाे थियाे । साेबमोजिम ९३ जना एकीकृत समाजवादीकाे केन्द्रीय सदस्य बनेका छन् । 

अर्को केन्द्रीय कमिटी बैठक १८ साउनमा बोलाइएको छ ।