अर्थमन्त्री विष्णु पौडेलले अझै पनि द्वन्द्वका घाउ नमेटिएको भन्दै शान्ति प्रक्रियालाई चाँडै निष्कर्षमा पुर्याउन आवश्यक रहेको बताएका छन् । 

बुधबार काठमाडौंमा इन्सेकका संस्थापक महासचिव प्रकाश काफ्लेको ३२औँ स्मृति दिवसको अवसरमा आयोजित कार्यक्रममा बोल्दै उनले अझै पनि द्वन्द्वका घाउ बाँकी रहेकाले शान्ति प्रक्रियालाई एउटा निष्कर्षमा पुर्याउन बाँकी काम सम्पन्न गर्ने अभिभारा सबैको काँधमा रहेको बताए । 

उनले भने, ‘पछिल्ला दिनमा हामी देखिआएका छौँ, नेपालले  एउटा अनुचित  एउटा कहालीलाग्दो द्वन्द्वबाट नेपाली समाज मुक्त भएको छ । हिंसाबाट शान्तिमा रुपान्तरण गरेका छौँ, शान्तिको स्थापना भएको छ, अझै पनि द्वन्द्वका घाउ मेटिएका छैनन् , शान्ति प्रक्रियालाई एउटा निष्र्कषमा पुर्याउन केही काम बाँकी नै छन् । यो शान्ति प्रक्रियाका बाँकी काम सम्पन्न गर्ने अभिभारा हामी सबैको काँधमा छ ।’

साथै उनले शान्ति प्रक्रियाका बाँकी काम टुंग्याउन सबै निष्कर्ष पीडितमैत्री हुनुपर्ने बताए ।