भारत र श्रीलंका एकदिवसीय सिरिजको दोस्रो खेलमा आज प्रतिस्पर्धा गर्दै छन् । यी दुई टोलीबीचको दोस्रो खेल दिउँसो २ः४५ देखि श्रीलंकाको आर प्रेमदास स्टेडियममा सुरु हुनेछ ।  

भारत र श्रीलंकाबीचको पहिलो खेल टाइ भएको थियो । श्रीलंकाले दिएको २ सय ३१ रनको लक्ष्य पछ्याउनेक्रममा भारत ४७.५ ओभरमा २ सय ३० रनमा अलआउट भएपछि खेल टाइ भएको हो । 

आज दुवै टिम सिरिजमा अग्रता लिन चाहन्छन् । भारत–श्रीलंकाबीचको तेस्रो तथा अन्तिम एकदिवसीय खेल बुधबार हुनेछ ।

हालसम्म यी दुई टिमले १६९ ओडिआईमा एकअर्काको सामना गरेका छन्, जसमा भारतले ९९ र श्रीलंकाले ५७ खेल जितेको विगत छ । यी दुई टिमबीचको दुई खेल टाइ हुँदा ११ म्याच नतिजाविहीन रहे ।