लिभिङ टुगेदरमा बसेको केटाले बिहे गर्न नमानेको भन्दै एक महिलाले माइतीघर मण्डलास्थित राष्ट्रिय झण्डा राखेको पोलमा चढेर आत्महत्याको प्रयास गरेकी छन् ।

जुम्ला घर भएकी सहारा शाहीले पोलबाट हाम्फाल्ने प्रयास गरेकी हुन् । दुई वर्षसम्म सम्बन्धमा रहेर केटाले बिहे गर्न नमानेको भन्दै उनी एक महिनाअघिदेखि धर्नामा थिइन् । 

धर्नामा बसेकी शाही आफूले राखेको ब्यानर हराएपछि माइतीघरस्थित पोलमा चढेकी थिइन् । प्रहरीले तत्काल उनलाई उद्धार गरेको छ । 

यसअघि पूर्वन्यायाधीश भुवन गिरीकी पत्नी आरती रावल गिरीले पनि वैवाहिक बलात्कार मुद्दामा क्षतिपूर्ति नपाएको भन्दै सोही पोलमा चढेर आत्महत्याको प्रयास गरेकी थिइन् ।