काठमाडौंको त्रिवि शिक्षण अस्पतालमा रहेको मनमोहन कार्डियोथोरासिक भास्कुलर तथा ट्रान्सप्लान्ट सेन्टरको छतबाट हाम फालेर एक युवकको मृत्यु भएको छ । 

शनिबार दिउँसो करिब ३ बजे सेन्टरको भवनबाट हामफाल्दा २१ वर्षीय स्वरूपराज आचार्य गम्भीर घाइते भएका थिए । उनकोे उपचारका क्रममा मृत्यु भएको हो । 

भवनको छैटौँ तलामा रहेको एस क्याफेको छतको रेलिङबाट हामफाली उनी घाइते भएका थिए । उनलाई तत्काल उपचारको लागि उक्त हस्पिटलको इमर्जेन्सीमा लगिएको थियो । 

उपचारको क्रममा उनको निधन भएको प्रहरीले जानकारी दिएको छ। यस विषयमा थप अनुसन्धान भइरहेको छ।