नेपाली बजारमा सुनको मूल्यले फेरि नयाँ रेकर्ड बनाएको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ५२ हजार ६ सय रुपैयाँमा कारोबार भइरहेको छ ।

यसअघि गत २९ साउनमा सुनको मूल्य तोलामा १ लाख ५० हजार ८ सय रुपैयाँमा कारोबार भएको थियो ।

यस्तै, गत शुक्रबार सुन प्रतितोला १ लाख ४९ हजार ६ सय रुपैयाँमा कारोबार भएको थियो । शुक्रबारको तुलनामा आज सुनको मूल्य तोलामा ३ हजार रुपैयाँले बढेको हो ।

आज चाँदी प्रतितोला १ हजार ७६० रुपैयाँमा कारोबार भएको महासंघले जनाएको छ । गत शुक्रबार चाँदी प्रतितोला १ हजार ७४० रुपैयाँमा कारोबार भएको थियो ।