उपप्रधान तथा सहरी विकासमन्त्री प्रकाशमान सिंहले वर्तमान सरकारले अगाडिको सरकार भन्दा उत्कृष्ट काम गरेर देखाउने बताएका छन् । त्यसका लागि योजना अनुसारका काम अगाडि बढाइरहेको बताएका छन् ।  

आइतबार वर्तमान अवस्थामा आपूर्ती व्यवस्था र उपभोक्ता अधिकार विषयक अन्तरक्रिया कार्यक्रममा बोल्दै मन्त्री सिंहले यस्तो बताएका हुन् ।

प्रचण्ड नेतृत्व लगायतका यसअघिका सरकार भन्दा राम्रो काम गर्ने बताउँदै उनले  भने, ‘वर्तमान सरकार कांग्रेस एमालेलगायत अरु दलहरू मिलेर बनेकाले सुशासनदेखि हरेक कुरामा राम्रो गरिरहेको छ । अझै अगाडिको सरकारको अवस्था भन्दा राम्रो सुधार गर्नको लागि काम अगाडि बढाउँदैछौँ ।’

उनले उपभोक्ताको जीवन सहज गर्न बजारमा देखिएका आपूर्ति सिस्टममा देखिएका कमीकमजोरीलाई हटाउनुपर्ने धारणा व्यक्त गरे । उनले  बजारमा देखिएका  समस्यालाई  सरकारले  समाधान गर्नेमा आफू विश्वस्त रहेको बताए ।