राष्ट्रिय स्वतन्त्र पार्टी (रास्वपा) ले साधारण सदस्यसमेत नरहने गरी निस्कासन गरेपछि पूर्वमहामन्त्री डा. मुकुल ढकालले नैतिकताका हिसाबमा पार्टी सभापति रवि लामिछानेले रवि लामिछानेले राजीनामा दिनुपर्ने प्रतिक्रिया दिएका छन् ।

रास्वपाले पार्टीबाट निस्कासन गरेलगत्तै उनले रविको राजीनामा माग गरेका हुन् । ढकालले आफू रास्वपाबाट नभइ रविको क्लबबाट निष्कासित भएको पनि टिप्पणी गरेका छन् ।  

‘रवि लामिछाने क्लबबाट निष्कासित भएको हुँ । राष्ट्रिय स्वतन्त्र पार्टीबाट निस्कासन गर्ने अधिकार क्लबलाई छैन । न्यायिक निकायले क्लबको कारबाहीलाई बदर गरेपछि, नैतिकताको आधारमा रवि लामिछानेले पार्टीको साधारण सदस्यबाट राजीनामा दिनुपर्छ । नैतिकरूपले पतित पात्र रवि लामिछानेबाट मैले नैतिकताको अपेक्षा त गर्न नमिल्ला । तर, पनि उनी कतिसम्म पतित रहेछन्, हेर्दै जाउँला, समयले पुष्टि गर्दै जानेछ,’ ढकालले फेसबुकमा लेखेका छन् ।