राष्ट्रिय स्वतन्त्र पार्टी (रास्वपा)का सांसद सन्तोष परियारले दुःख गरेर ल्याएको व्यवस्थालाई सरकारले चासो नदेखाएको गुनासो गरेका छन् ।

सोमबार पूर्वाधार विकास समितिको बैठकमा बोल्दै सांसद परियारले सरकार नकारात्मक कुरामा मात्र अल्मलिइरहेको बताएका हुन् । 

उनले भने, ‘हामीले यत्रो क्रान्ति र दुःख गरेर व्यवस्था ल्याएका छौँ, त्यो व्यवस्थाजन्य गर्नुपर्ने कुरालाई कुनै पनि सरकार खासै इच्छुक देखिँदैन, सरकार नकारात्मक कुरामा मात्र अल्झिरहेको छ , कानुन बनेका छैनन्, निर्देशन गरेको नीतिअनुसारका काम बनेका छैनन्, कार्यक्रम ल्याइएको छैन ।’

साथै उनले संविधानले कल्पना गरेका दायित्व राज्यले पूरा नगरेको भन्दै सरकार गलत बाटोमा मात्र गइइरहेको जिकिर गरे ।