नेपाल संस्कृत विश्वविद्यालयको निमत्त उपकुलपतिको जिम्मेवारी प्रा.डा भीमप्रसाद खतिवडाले पाएका छन् । विश्वविद्यालयका कुलपति एवं प्रधानमन्त्री केपी शर्मा ओलीले तीन महिनाका लागि खतिवडालाई निमित्त उपकुलपतिको जिम्मेवारी तोकेका हुन् ।

कुलपति ओलीले विश्वविद्यालय ऐन, २०४६ को  दफा १६ को उपदफा ६ बमोजिम सोमबार खतिवडालाई उक्त जिम्मेवारी दिएका हुन् । विश्वविद्यालयका उपकुलपति प्रा.डा. यादवप्रकाश लामिछानेले गत साउन २७ गते पदबाट राजीनामा दिएपछि उपकुलपतिको पद रिक्त रहेको थियो ।