नयाँदिल्ली– भारतीय कांग्रेस आईका अध्यक्ष राहुल गान्धीलाई चुनाव आयोगले नोटिस दिएको छ । यसको जवाफ उनले ४८ घन्टाभित्र दिनुपर्नेछ । 

२३ अप्रिलमा मध्यप्रदेशको एक चुनावी सभामा उनले केन्द्र सरकारविरुद्ध आपत्तिजनक वक्तव्य दिएका थिए ।

‘नरेन्द्र मोदीले एक नयाँ कानुन बनाएका छन्, जसमा एक लाइन छ कि आदिवासीहरुलाई गोली हान्न सकिनेछ,’ राहुलले भनेका थिए, ‘जनजातिमाथि हमला हुनेछ । तपाईंको जमिन लिइनेछ, तपाईंको वन लिइनेछ, तपाईंको पानी खोसिनेछ ।’

लोकसभा चुनावका दौरान विवादास्पद बयान दिएर थुप्रै नेता कारबाहीमा परिसकेका छन् ।