ती दिन ती पात्रमा आज नारायणहिटी राजदरबारभित्र चार दशक बिताएका चिरनशमशेर थापा । महेन्द्र, वीरेन्द्र र ज्ञानेन्द्र गरी तीन राजाहरूसँग काम गरेका थापाको अनुभव र अनुभूति कस्तो रह्यो ?
बेलायतको क्याम्ब्रिज विश्वविद्यालयको ट्रिनिटी कलेजमा अध्ययन गरेका पहिलो नेपाली हुन्, चिरनशमशेर थापा । तत्कालीन युवराजाधिराज वीरेन्द्र वीरविक्रम शाहसँग बेलायतमै भएको भेटघाटले निकटता बढाएपछि पढाइ सकाएर उनी २०२१ सालमा नेपाल फर्किए ।
नेपाल फर्किएपछि तत्कालीन युवराज वीरेन्द्रको निजी सचिवका रूपमा राजदरबार पसे । २०२१ पुसदेखि २०६० वैशाखसम्म नारायणहिटी राजदरबारको संवाद सचिवालयमा कार्यरत रहे । चार दशक राजदरबारमा बिताउँदा तीन राजाहरूसँग उठबस गरेका थापाले देखेको राजा र राजदरबार कस्तो हो ?
२० देखि ६० को दशकसम्म राजदरबारभित्र के के भए ? राजदरबारभित्रको अन्तरद्वन्द्व, छिमेकी तथा शक्ति राष्ट्रहरूसँग दरबारको सम्बन्ध कस्तो रह्यो ? राजनीतिक दल र दरबारबीच टकराब किन भयो ? यी सबै घटनाका साक्षी थापासँग इतिहासको त्यो पाटोलाई केलाउने प्रयास गरिएको छ, हेर्नुहोस् यो कुराकानी :
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
