राष्ट्रिय स्वतन्त्र पार्टी (रास्वपा) मकवानपुरले हेटौंडा उपमहानगरपालिका वडा नम्बर– १२ को उपनिर्वाचनको उम्मेदवार टुङ्गाएको छ । हेटौंडा उपमहानगरपालिका वडा नम्बर– १२ को वडा अध्यक्षका लागि मंसिर १६ मा उपनिर्वाचन हुनेछ । आइतबार वडा,नगर र जिल्ला कार्यसमितिको संयुक्त बैठकले आशाबिर बललाई वडा अध्यक्षको उम्मेदवारमा रास्वपा मकवानपुरले अघि सारेको हो ।
‘हेटौंडा उपमहानगरपालिका वडा नम्बर– १२ मा विभिन्न सामाजिक कार्यहरूमा सहभागिता जनाउँदै आइरहेका बललाई रास्वापाको उम्मेदवार पाएका छौँ, आशाबिर बल सक्षम उम्मेदवार हुनुहुन्छ’ नगर सभापति ध्रुवबहादुर विष्टले भने ।
उक्त रिक्त रहेको पदमा रास्वपाले सर्वाधिक मत ल्याएर वडा अध्यक्ष पदमा निर्वाचित हुनेमा कुनै शङ्का नरहेको मकवानपुर क्षेत्र नम्बर १ सभापति टाकाराज थापाले दाबी गरे ।
यसै गरी अन्य उम्मेदवारमा एकीकृत समाजवादीबाट बलराम बल, राप्रपा प्रेम लामा ब्लोन, कांग्रेसबाट सम्भावित अर्जुन तिवारी, एमालेबाट सम्भावित राजेश नगरकोटी र माओवादीबाट सम्भावित रबिन प्रधान रहेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
