काठमाडौं– त्रिभुवन विश्वविद्यालयले सबैखाले अपांगता भएका विद्यार्थीलाई निःशुल्क पढाउने भएको छ । वैशाख ६ गते बसेको त्रिवि कार्यकारी परिषद् बैठकले उक्त निर्णय गरेको हो ।
त्रिविले आंगिक क्याम्पसहरूलाई जारी शैक्षिक कार्यक्रममा योग्यता पुगेका सबै प्रकारका अपांगता भएकालाई निःशुल्क भर्ना गर्न परिपत्र पठाएको छ । केन्द्रीय बहिरा क्याम्पसले अपांगता भएका विद्यार्थीलाई निःशुल्क परीक्षाको व्यवस्था माग गरेपछि उक्त निर्णय भएको जनाइएको छ ।
‘अपांग व्यक्तिहरूले आधिकारिक कागजात पेस गरेमा निःशुल्क भर्ना गर्ने,’ परिपत्रमा भनिएको छ, ‘भर्ना भएपछि मासिक शुल्क, परीक्षा शुल्क, लब्धांकपत्र (ट्रान्सक्रिप्ट) शुल्कसमेत सबै प्रकारका शुल्कहरू निःशुल्क गर्ने ।’
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
