Wed, 03 Jun, 2020


युरोपा लिग : उपाधि भिडन्तमा आर्सनल र चेल्सी
फरकधार / बैशाख २७, २०७६

लन्डन– युरोपा लिगको उपाधिका लागि आर्सनल र चेल्सी भिड्ने भएका छन् ।



गएरातिको सेमिफाइनल दोस्रो लेगमा भ्यालेन्सियालाई ४–२ ले पराजित गर्दै आर्सनलले चेल्सीसँगको भेट पक्का गरेको हो । पहिलो लेग ३–१ ले जितेको आर्सनलले समग्रमा सेमिफाइनल ७–३ ले जित्यो । 

आर्सनलको जितमा पिएरे एमरिक औवामेयाङले ह्याट्रिक गरे ।

उता, चेल्सी भने जर्मन क्लब एनट्ट्राच फ्रायनफर्टलाई पेनाल्टी सुटआउटमा ४–३ ले पराजित गर्दै फाइनल पुगेको हो । पहिलो लेगमा १–१ को बराबरी खेलेका यी दुई क्लबले दोस्रो लेगमा पनि १–१ को बराबरी खेलेका थिए । त्यसपछि पेनाल्टी सुटआउटबाट नतिजा निकालिएको हो । 

चेल्सी र आर्सनलबीचको फाइनल खेल २९ मेमा अजरबैजानको बाकुस्थित ओलम्पिक स्टेडियममा हुनेछ । 


फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक ट्विटरमा पनि जोडिन सक्नुहुन्छ ।


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्