Mon, 30 Mar, 2020


भागबन्डाका आधारमा नेकपाको पोलिटब्युरो सदस्यमा सहमति
फरकधार / बैशाख २७, २०७६

काठमाडौँ– सत्तारुढ नेपाल कम्युनिस्ट पार्टी ‘नेकपा’ले पोलिटब्युरो सदस्यको टुंगो लगाएको छ । प्रधानमन्त्री तथा पार्टी अध्यक्षद्वय केपी शर्मा ओली र प्रचण्ड र वरिष्ठ नेता माधव नेपालबीच भागवन्डामा कुरो मिलेपछि १४७ सदस्यीय पोलिटब्युरोको टुंगो लागेको हो ।  



पोलिटब्युरोमा तत्कालीन एमाले र माओवादीको कोटामा परेका सदस्यहरूको नाम टुंगो लागे पनि पार्टी सचिवालय  बैठक बसेर मात्रै सार्वजनिक गरिने छ । प्रधानमन्त्री ओली स्वदेश फर्किएपछि सचिवालय बैठक बसेर औपचारिक रुपमा पोलिटब्युरो सदस्यहरूको नाम सूची पारित हुने नेकपा स्रोतले जानकारी दियो ।  

प्रधानमन्त्री ओली भियतनाम र कम्बोडियाको भ्रमणबाट फर्केपछि स्थायी कमिटी बैठकमार्फत पोलिटब्युरो गठन र जनवर्गीय संगठन एकीकरण टुंगो लगाउने बारेमा छलफल भइरहेको नेकपाका एक नेताले जानकारी दिए । 

सचिवालय बैठकमा केन्द्रीय कमिटीका सबै सदस्यहरूको कार्य विभाजन समेत हुने बताइएको छ । प्रधानमन्त्री ओली जेठ १ गते स्वदेश फर्किंदैछन् ।

पार्टी एकताले १ वर्ष पूरा गरेको अवसरमा एकता सम्बन्धी सबै काम सक्ने नेकपाको तयारी छ । 


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्