पाकिस्तान– पाकिस्तानको बलुचिस्तान प्रान्तस्थित एउटा होटलमा सशस्त्र समूहले आक्रमण गर्दा सो होटलका चार कर्मचारी र एक सैनिककाे मृत्यु भएकाे छ । 

अरब सागरनजिकै ग्वादारमा रहेको जाभेर पर्ल कन्टिनेन्टल होटलमा शनिबार अपराह्ण तीन बन्दुकधारी र सुरक्षाकर्मीबीच भीडन्त भएको थियो। भिडन्तमा तीन जना आक्रमणकारीकाे पनि ज्यान गएको र अन्य छ जना घाइते भएकाे पाकिस्तानी सेनाले जानकारी दिएकाे छ । 

उक्त हाेटल चिनियाँ लगानीमा निर्माण भएकाे हाे । 

आक्रमण भएकाे समयमा हाेटलमा धेरै कर्मचारी र पाहुना नभएकाले पनि मानवीय क्षती कम भएकाे हाेटल सञ्चालकले बताएका छन् । 

पाकिस्तानकाे पृथक्तावादी समूह बलुचिस्तान लिबरेसन आर्मीले घटनाको जिम्मेवारी लिँदै चिनियाँ र अन्य लगानीकर्तालाई लक्षित गरिएको बताएको छ।

Chinese Embassy strongly condemns terrorist attack on PC Hotel in Gwadar. The heroic action of Pakistani Army & law enforcement agencies is highly appreciated. We express condolences to the families of the security guard who sacrificed his life &two security men who were injured.

— Chinese Emb Pakistan (@CathayPak) May 11, 2019