अमेरिकाको भर्जिनियामा कार पोखरीमा डुब्दा दुई नेपालीको मृत्यु भएको छ ।
भर्जिनियाको स्यान्टिली शहरस्थित एक होटल बाहिर रहेको पोखरीमा बिहीबार बिहान कार डुब्दा उनीहरूको मृत्यु भएको एनबीसी वासिङ्टन डटकमले जनाएको छ ।
मृत्यु हुनेमा ५५ वर्षीय कर्ण खड्का र २० वर्षीय निश्चल भट्ट रहेका छन् । कार खड्काले चलाएका थिए । कार हिउँबाट चिप्लिएर जमेको पोखरीमा डुबेको बताइएको फेयर फ्याक्स काउन्टी प्रहरीलाई उद्धृत गर्दै एनबीसी वासिङ्टन डटकमले जनाएको छ ।
पोखरी कार डुब्ने खालको नभए पनि अत्यधिक चिसो पानी र उद्धार हुन समय लाग्दा खड्का र उनको आफन्त पर्ने भट्टको मृत्यु भएको अनुमान छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
