काठमाडाैं– १३ औं दक्षिण एसियाली खेलकुद प्रतियोगिता (साग) को प्रतिक चिन्ह (लोगो) र मस्कट सार्वजनिक गरिएकाे छ । लाेगाे र मस्कट विराटनगरका भाेलानाथ पाैड्यालले तयार पारेका  हुन् । 

सागको लोगो शान्तिको प्रतिक मानिने परेवाको आकृति र मस्कट लोपोन्मुख जनावर कृष्णसार राखिएको छ।

सातवटा दक्षिण एसियाली राष्ट्रलाई संकेत गर्ने गरी लाेगाेमा परेवाकाे पछिल्लाे भागमा सातवटा प्वाँख राखिएकाे पाैड्यालले बताएका छन् । 

अबकाे ६ महिनापछि काठमाडाैं र पाेखरामा आयाेजना हुने साग गेम आवश्यक पूर्वाधार निर्माण हुन नसक्दा निर्धारित समयभन्दा केही ढिला सुरु हुन लागेकाे छ । प्रतियाेगिता आगामी डिसेम्बर एक देखि १० तारिख ( मंसिर १५ देखि २४ गते) सम्म काठमाण्डू र पोखरामा हुनेछ।