काठमाडौं–  यो सिजनको आरोहण खुला भएको छ । आरोहण खुला भएसँगै पहिलो सगरमाथा आरोहीको टोली शिखरमा पुगेको छ । आरोहीहरुका लागि बाटो बनाउँदै अघि बढेको शेर्पा टोली मंगलबार चुचुरोमा पुगेको छ । 

शेर्पा टोलीको  नेतृत्व दोलखाका सिद्धिबहादुर तामाङले गरेका छन् । टोलीमा सोलुखुम्बुका दार्जी ग्याल्जेन शेर्पा, पासाङ दावा शेर्पा, संखुवासभाका पासदावा शेर्पा, दावा नुर्व शेर्पा, मिङ दोर्जे शेर्पा, आङफुर्वा शेर्पा र साङ्बु भोटे लामा छन् ।

यसवर्ष सगरमाथाको उचाइ मापन गर्ने सरकारी टोली आरोहणका लागि बिदा भइसकेको छ । शेर्पा टोली फर्केपछि अन्य आरोहीका लागि सगरमाथा आरोहणको बाटो खुलेको छ ।