पाकिस्तानले भारतीय उडानका लागि आफ्नाे हवाई क्षेत्रमा लगाएकाे प्रतिबन्ध ३० मेसम्म नहटाउने निर्णय गरेकाे छ । पाकिस्तानका अनुसार उनीहरु भारतीय लाेकसभा चुनावकाे नतिजा कुरिरहेका छन्, चुनावकाे नतिजापछि मात्रै हवाई मार्ग खाेल्ने वा नखाेल्ने भन्ने विषयमा विचार गर्ने पाकिस्तानले बताएकाे छ ।
एक वरिष्ठ पाकिस्तानी सरकारी अधिकारीका अनुसार रक्षा र विमान मन्त्रालयका शीर्ष अधिकारले बुधबार भारतीय उडानका लागि आफ्नाे हवाई क्षेत्र खाेल्न पुनर्विचार गर्न बैठक आयाेजना गरेका थिए । जसले मे ३० सम्म भारतीय उडानका लागि पाकिस्तान हवाई मार्ग बन्द रहने निर्णय गरेकाे हाे ।
26 फेब्रुअरीमा बालाकोटमा भारतीय वायुसेनाले आक्रमण गरेपछि पाकिस्तानले आफ्नाे हवाई क्षेत्र पूर्ण रुपमा बन्द गरेकाे थियाे । यसपछि पाकिस्तानले २७ मार्चमा नयाँ दिल्ली,बैकंक र क्वालालम्पुरलाई छाेडेर अरु सबै उडानका लागि हवाई मार्ग खाेलेकाे थियाे ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
