एजेन्सी– बलिउड अभिनेत्री कंगना रनौट विभिन्न समयमा विभिन्न अभिव्यक्ति दिएर चर्चामा आइरहन्छिन् । अहिले उनी कान्स फिल्म फेस्टिभलमा सहभागी हुन फ्रान्स पुगेकी छिन् । र, यही समयमा उनले आफ्नो तौल घटाएको विषय भारतीय मिडियामा निकै छाएको छ । बुधबार राती मुम्बईको विमानस्थलमा देखिएकी कंगना १० दिनमा पाँच किलो तौल घटाएको चर्चा चलेको हो । 

कंगनाका फिटनेस गुरु योगेश भटेजाले यसको पुष्टि पनि गरेका छनज् । उनले फिल्म ‘पंगा’का लागि तौल घटाउनु परेको बताएका छन् । यसका लागि कंगनाले दैनिक दुई पटक जिममा वर्कआउट गरेको योगेशले बताएका छन् । तौल घटाउनका लागि खानामा पनि उच्च क्यालोरीलाई उनले प्राथमिकता दिएकी थिइन् । अश्विनी अय्यर तिवारीले निर्देशन गर्ने फिल्म पंगामा कंगना कबड्डी खेलाडीको भूमिकामा देखिँदै छिन् ।