अमेरिकी राष्ट्रपति डोनाल्ड ट्रम्पले अन्तर्राष्ट्रिय फौजदारी अदालत (आईसीसी) माथि विभिन्न प्रतिबन्ध लागू गर्ने एक कार्यकारी आदेशमा हस्ताक्षर गरेका छन् ।
उनले उक्त निकायमाथि अवैध र आधारहीन कदमका भरमा अमेरिका र निकट साझेदार इजरायललाई निशानामा पारेको भन्ने आरोप पनि लगाएका छन् ।
सो कार्यकारी आदेशअनुसार अमेरिकाको नागरिक वा उसका साझेदारहरूविरुद्धका आईसीसी अनुसन्धानमा संलग्न व्यक्ति र तिनका परिवारलाई आर्थिक तथा भिसा प्रतिबन्ध लागू हुनेछन् ।
इजरायली प्रधानमन्त्री बेन्जमिन नेतन्याहू वासिङ्टन भ्रमणमा रहँदा ट्रम्पले ती कदममा हस्ताक्षर गरेका हुन् । गत नोभेम्बरमा आईसीसीले गाजामा भएको भनिएका युद्ध अपराधका लागि नेतन्याहूविरुद्ध पक्राउ पुर्जी जारी गरेको थियो ।
उक्त आरोप इजरायलले अस्वीकार गर्दै आएको छ । आईसीसीले हमासका एक कमाण्डरविरुद्ध समेत पक्राउ पुर्जी जारी गरेको थियो । –बीबीसी
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
