मोडल खुश्बु ओलीलाई चेक अनादारसम्बन्धी मुद्दामा कैद र जरिवाना हुने भएको छ । काठमाडौं जिल्ला अदालतको फैसलाअनुसार उनलाई  ३ महिना कैद र ३ हजार जरिवाना गरिएको छ ।

गोपाल बहादुर कटुवालले दायर गरेको मुद्दामा न्यायाधीश श्रीकृष्ण भट्टराईको इजलासले ओलीलाई कैद र जरिवाना हुने भएको हो । कटुवालले ओलीमाथि चेक अनादारसम्बन्धी मुद्दा हालेका थिए ।

उनले दुई वर्षअघि ओलीलाई  ३६ लाख रुपैयाँ सापटी दिएका थिए। उक्त सापटी फिर्ता गर्न ओलीले दिएको कुमारी बैंक न्युरोड शाखाको चेक साट्न पटक–पटक जाँदा पैसा नभएपछि कटुवालले साउन २९ गते अदालतमा मुद्दा दिएका थिए। 

फैसलामा ओलीले कटुवाललाई ३६ लाख रूपैयाँ पनि तिर्नुपर्ने पनि उल्लेख छ ।