Thu, 21 Nov, 2019


बेलायतमा मन्त्री एन्ड्रियाको राजीनामा, राजीनामा दिने ३६ औं मन्त्री
फरकधार / जेठ ९, २०७६

एजेन्सी– बेलायतमा हाउस अफ कमन्सकी नेता एन्ड्रिया लेडसमले मन्त्रीमण्डलबाट राजीनामा दिएकी छिन् । 



लेडसमले अहिलेको सरकारले ब्रेक्जिट (युरोपेली युनियनबाट बेलायत अलग्गिने प्रक्रिया) सम्भव नहुने देखेर आफूले राजीनामा दिएको बताएकी छिन् । सांसदमा प्रधानमन्त्री थेरेसा मेको चर्को विरोध भइरहेको समयमा आएको लेडसमको यो राजीनामाले बेलायती राजनीतिक समीकरण बदल्न सक्ने बताइएको छ । योसँगै बेलायती प्रधानमन्त्रीको पनि राजीनामा माग गरिएको छ । 

उता, प्रधानमन्त्री कार्यालयले लेडसमको राजीनामामाथि दुःख जनाउँदै उनको कामको प्रशंसा गरेको छ । 

लेडसम कन्जर्भेटिभ पार्टीको नेताको चुनावी दौडमा रहिसकेकी निेता हुन् । पछि उनले आफ्नो उम्मेदवारी फिर्ता लिँदै थेरेसा मेलाई प्रधानमन्त्री बन्ने बाटो खोलिदिएकी थिइन् । 

लेडसम यो सरकारमा राजीनामा दिने ३६ औं मन्त्री हुन् । यीमध्ये २१ जना मन्त्रीले त ब्रेक्जिटको विषयमा नै रहेर राजीनामा दिएका थिए । 



यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्