काठमाडौं– प्रधानमन्त्री केपी शर्मा ओलीले भारतीय समकक्षी नरेन्द्र मोदीलाई बधाई दिँदै निकट रहेर काम गर्न तत्पर रहेको उल्लेख गरेका छन् । प्रधानमन्त्री ओलीले ट्विट गर्दै २०१९ को लोकसभा चुनावको जितका लागि बधाई दिएका हुन् ।

उनले मोदीको आगामी सफलताका लागि पनि शुभकामना दिँदै मोदीसँग निकट रहेर काम गर्न तत्पर रहेको पनि उल्लेख गरेका हुन् ।

भारतको निर्वाचन आयोगले अहिलेसम्म अन्तिम परिणाम घोषणा गरिसकेको छैन । जारी मतगणनाको प्रारम्भिक नतिजामा सत्तारूढ दल भाजपा एक्लै बहुमततर्फ अग्रसर छ ।

चुनावी परिणाम औपचारिक रूपमा सार्वजनिक नहुँदै मोदीलाई विभिन्न देशका राष्ट्राध्यक्षबाट बधाईको आइरो लागेको छ । त्यसै क्रममा प्रधानमन्त्री ओलीले पनि उनलाई बधाई दिएका हुन् ।

I extend warmest congratulations to Prime Minister @narendramodi ji for landslide election victory in the Lok Sabha Elections 2019. I wish all success ahead. I look forward to working closely with you. #PMOIndia

— K P Sharma Oli (@kpsharmaoli) May 23, 2019