पेरु– उत्तरी पेरुमा आठ म्याग्निच्युडको भूकम्प गएको छ । सो भूकम्पको केन्द्रविन्दु लगुनासभन्दा ८० किलोमिटर दक्षिणपूर्वमा रहेको अमेरिकी जियोलोजिकल सर्भेले जनाएको छ । 

प्यासिफिक सुनामी वार्निङ सेन्टरले भूकम्पका कारण सुनामीको खतरा नरहेको बताएको छ । भूकम्पको केन्द्रविन्दु जमिनको सतहभन्दा १०९.९ किलोमिटर तल रहेको थियो ।

भूकम्पको क्षतिबारे विस्तृत विवरण आउन बाँकी रहेको छ । पेरुको राजधानी लिमासम्म भूकम्पको धक्का महसुस गरिएको छ ।