बझाङको छबिसपाथिभेरा गाउँपालिका–७ का वडाध्यक्ष विजयबहादुर धामीको स्वर रहेको नयाँ लोकदेउडा गीत ‘कै सम्झी हाँस्नु हो’ सार्वजनिक भएको छ । गीतलाई युट्युबमार्फत सार्वजनिक गरिएको हो ।
गायक धामीकै स्वर रहेको यस गीतमा शब्द भने उनका दिवंगत दाइ सत्यराम धामीले लेखेका हुन् । गीतको रेकर्डिङ किशोरकुमार भण्डारीले गरेका हुन् ।
भावनात्मक पक्षमा गहिरो प्रभाव पार्ने गरी तयार पारिएको यो लोकदेउडाले स्रोतामा स्मृतिको भाव, वियोग र आत्मीयताको अनुभूति उजागर गर्छ । मौलिक स्वाद बोकेको गीतमा लोकदेउडा शैलीलाई आधुनिक स्वादसहित प्रस्तुत गरिएको छ ।
वडाध्यक्षसमेत रहेका धामीले यसअघि पनि सांस्कृतिक क्षेत्रमा सक्रियता देखाउँदै आएका छन् । यसपटक दिवंगत दाजुको रचनालाई स्वर दिएर उनले पारिवारिक भावनालाई साङ्गीतिक श्रद्धाञ्जलीस्वरूप प्रस्तुत गरेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
