बढ्दो मुद्रास्फितिसँग जुध्न रुसको केन्द्रीय बैङ्कले दुई दशकयताकै उच्च २१ प्रतिशत ब्याजदर शुक्रबार कायम गरेको छ ।
युक्रेन द्वन्द्वका कारण सरकारी खर्च बढेको र कामदारको अभाव देखिएकोले मूल्य वृद्धिमा तीव्रता आएको हो ।
केन्द्रीय बैङ्कले ऋण प्रवाह कमजोर रहेको स्वीकार गर्दै मुद्रास्फीति अझै १० प्रतिशतभन्दा माथि रहेको जनाएको छ ।
रुसको मुद्रास्फीति लक्ष्य चार प्रतिशत भए पनि सन् २०२५ मा औसत सात–आठ प्रतिशत हुने र सन् २०२६ मा मात्रै लक्ष्यमा पुग्ने अनुमान गरिएको छ ।
राष्ट्रपति भ्लादिमिर पुटिनले हालको आर्थिक अवस्था ‘सफ्ट ल्यान्डिङ’ भएको बताउँदै मुद्रास्फीति नियन्त्रणमा उल्लेखनीय प्रयास भइरहेको बताएका छन् ।
तर अर्थशास्त्रीहरूले तेलको मूल्यमा गिरावट, उच्च ब्याजदर र उत्पादनमा मन्दी आउँदा आर्थिक गतिविधि सुस्त हुने चेतावनी दिएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
