पाकिस्तानका रक्षामन्त्री ख्वाजा आसिफले भारतले सर्वसाधारण नागरिकलाई निशाना बनाएको आरोप लगाएका छन् ।
बीबीसी उर्दूसँग कुरा गर्दै उनले भनेका छन्, ‘भारतले आतंकवादी लुकेका स्थानहरूमा प्रहार गरेको दाबी गरिरहेको छ । तर, म अन्तर्राष्ट्रिय समुदाय र मिडियालाई आग्रह गर्छु- स्वयम् आएर हेरेऊन्, ती स्थानहरू साँच्चै आतंकवादीको आश्रयस्थल थिए कि सामान्य बस्ती ।’
आसिफका अनुसार आक्रमणमा दुईवटा मस्जिदसमेत प्रभावित भएका छन् ।
‘एक बालक सहिद भएको छ । एक महिला पनि सहिद भएकी छन्,’ उनले भने, ‘हाल मसँग सहिदहरूको अन्तिम विवरण छैन । तर, हालसम्म पुष्टि भएका सातवटा निशानामध्ये दुई काश्मिरमा र पाँच पाकिस्तानभित्र छन् । ती सबै सर्वसाधारण रहेका स्थानहरूमा थिए ।’
पाकिस्तानी सेनाले पनि भारतीय आक्रमणमा सातजनाको मृत्यु भएको पुष्टि गरेको छ । मृतकमध्ये दुई बालबालिका रहेको जानकारी सेनाले दिएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
