भारतले पाकिस्तानमाथि पठानकोट, जैसलमेर र श्रीनगरमा आक्रमण गरेको आरोप लगाएपछि इस्लामाबादले ती दाबीहरूलाई खारेज गरेको छ ।
पाकिस्तानले ती आरोपहरूलाई ‘गलत, गैरजिम्मेवार र राजनीतिक लाभका लागि बनाइएका’ भन्दै अस्वीकार गरेको हो ।
पाकिस्तानको विदेश मन्त्रालयले शुक्रबार जारी गरेको विज्ञप्तिमा भारतले झुटो प्रचारमार्फत क्षेत्रीय तनाव बढाउने प्रयास गरिरहेको आरोप लगाएको छ ।
विज्ञप्तिमा भनिएको छ, ‘भारतले कुनै प्रमाणबिना बारम्बार पाकिस्तानमाथि आरोप लगाउँछ, जसले आक्रमण गर्ने र सम्पूर्ण क्षेत्रलाई अस्थिर बनाउने बहाना प्रदान गर्छ ।’
पाकिस्तानी विदेश मन्त्रालयका अनुसार भारतको यस्ता व्यवहारले केवल द्वन्द्व बढाउने र दक्षिण एसियामा स्थायित्व खलबल्याउने काम गर्छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
