जापानको प्रमुख अटो निर्माता टोयोटा मोटर कर्पोरेसनले आर्थिक वर्ष सन् २०२५ मा आफ्नो खुद नाफा ३४.९ प्रतिशतले घटेर ३.१ ट्रिलियन येन (लगभग २१.६ अर्ब अमेरिकी डलर) पुग्ने अनुमान गरेको छ ।
कम्पनीका अनुसार यस गिरावटको मुख्य कारण अमेरिकी भन्सार दरमा वृद्धि र येनको अमेरिकी डलरसँगको मूल्यवृद्धि हो ।
टोयोटाले चालू आर्थिक वर्षमा (२०२५ मार्चसम्म) ४८.५ ट्रिलियन येनको रेकर्ड बिक्री हुने अपेक्षा राखेको छ, जुन अघिल्लो वर्षको तुलनामा १ प्रतिशतले बढी हो। यद्यपि, सञ्चालन नाफा भने २०.८ प्रतिशतले घटेर ३.८ ट्रिलियन येन हुने बताइएको छ ।
अघिल्लो आर्थिक वर्षमा कम्पनीले ४.७७ ट्रिलियन येन नाफा कमाएको थियो, जुन अघिल्लो वर्षको तुलनामा ३.६ प्रतिशतले कम हो । सोही अवधिमा बिक्री ६.५ प्रतिशतले बढेर ४८.०४ ट्रिलियन येन पुगेको थियो ।
टोयोटाका अध्यक्ष तथा सिईओ कोजी सातोले अमेरिकी भन्सारको असर अप्रिल र मे २०२५ मा झण्डै १८० अर्ब येनको नाफामा घाटा हुने अनुमान गरिएको बताए ।
येनको मूल्यवृद्धिले पनि कम्पनीको नाफामा ठूलो असर पार्ने अपेक्षा गरिएको छ । यो परिवर्तनले कम्पनीको सञ्चालन नाफामा ७४५ अर्ब येनको कमी ल्याउनेछ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
